HAGOGOON DOHOT APUL-APUL

1.
Hagogoon dohot apul-apul
Do dilehon Tuhan i tu au,
Ganup ari au ditogu-togu
Ganup tingki diondingi au.
Ai hombar tu lomo ni rohaNa
Do dilehon Tuhan i tu au
Ro marsorin arsak las ni roha
Haporseaonhu dipatau.

2.
Ganup tingki Tuhan raphon ahu
Jala sai dipasu-pasu au.
Sai di togu au molo madabu,
Talu musu jala monang au.
Ai pargogo na sohatudosan,
Debatangku salelengna i
Mangalehon dame dohot tua,
Tu angka na bojok roha i.

3.
Songon Ama do tu anakkonNa
Holong ni Tuhanta i tu au.
Ndang mansadi pangurupionNa
Hombar tu padanNa na tu au.
Debata Amanta na di ginjang
I do haposanku sai tongtong.
Di pangiringiring ni tanganNa,
Dame, sonang do rohangkinon.